IdeaPad Y560a畫面分割一心多用

電視畫中畫就見得多，將電腦畫面斬開幾份，左邊睇電視、右上文書工作、右下視像對話，你又玩過未？Lenovo創意系列IdeaPad近日又有新搞作，在Y560a影音娛樂筆記簿內，首次加入「SplitScreen」分割畫面和一掃換畫等功能，以後唔使將畫面左就右就，一邊做嘢一邊睇電視輕鬆得多。
IdeaPad Y560a售價：$9,498（Core i5-430M）、$10,498（Core i7-720QM）
IdeaPad Y560a售價：$9,498（Core i5-430M）、$10,498（Core i7-720QM）

SplitScreen一開四

其實玩開《Windows 7》都知道視窗新增「拍齊」功能，即係將文件拉去左或右邊時，文件便可兩頁並排顯示，而Y560a的「SplitScreen」功能更加勁，可將15.6吋巨芒一開三、一開四，配合雙制式電視接收器（TV Tuner）和多媒體操控，同時打機和睇電視再冇難度。

幾個畫面一齊開驚拖慢部機？廠方稱Y560a做影音王自然做足準備，特別換上Core i7-720QM四核心處理器同步運算，加上ATI Mobility Radeon HD5730頂級顯示卡，用來打機爽到震。

玩埋雙制式TV Tuner，駁上天線即可睇高清電視，順手錄影和剪片都冇問題。
  • 玩埋雙制式TV Tuner，駁上天線即可睇高清電視，順手錄影和剪片都冇問題。
左右備有兩個2W JBL名廠喇叭，支援杜比環迴立體聲，無論聽歌睇片或打機都咁正。
  • 左右備有兩個2W JBL名廠喇叭，支援杜比環迴立體聲，無論聽歌睇片或打機都咁正。
Y560a採用黑色金屬設計，暗花紋理旁邊再包上橙色線，更添時代感。
  • Y560a採用黑色金屬設計，暗花紋理旁邊再包上橙色線，更添時代感。

一掃上鎖換畫

最有趣是連操控介面都齊齊升級，在鍵盤上方引入獨家SlideNav觸控列，只要用手指輕輕滑動，屏幕便會出現常用工具供選擇；當手指由左至右一掃，畫面仲會像拉埋「拉鏈」一樣上鎖，迅速提供周全保護。用家還可利用SlideNav一掃切換不同Wallpaper，以及轉換預先設定的Virtual Desktop虛擬工作間，令玩味大大提升。

用手指滑動SlideNav識得着燈之餘，仲會彈出快捷列啟動常用程式，平時更可一掃轉換Wallpaper。
  • 用手指滑動SlideNav識得着燈之餘，仲會彈出快捷列啟動常用程式，平時更可一掃轉換Wallpaper。
慢慢由左掃至右，畫面便會像「拉鏈」一樣上鎖，相反由右至左掃即可解鎖。
  • 慢慢由左掃至右，畫面便會像「拉鏈」一樣上鎖，相反由右至左掃即可解鎖。
系統支援Virtual Desktop工作間，兩隻手指一掃便可由文書平台，切換到娛樂影音平台。
  • 系統支援Virtual Desktop工作間，兩隻手指一掃便可由文書平台，切換到娛樂影音平台。
售價：$7,498起
  • 售價：$7,498起

同場加映：Y460a 七千幾有交易

15.6吋Y560a賣近萬元唔係人人負擔得起，所以Lenovo同場加推14吋的Y460a，換上Core i3或i5雙核處理器，配合ATI Mobility Radeon HD5650切換式顯示，拎出街時可切換至Intel內置顯示以延長使用時間，返到屋企則可變回ATI顯示提升效能。最重要是分割畫面、一掃換畫等影音操控全部有齊，只是減省了TV Tuner電視接收器，售價卻平近二千元賣$7,498起，隨時抵玩過自己砌部桌面電腦。

Y560a規格表

處理器：Intel Core i5-430M或i7-720QM

記憶體：2×2GB

硬碟：500GB 7,200rpm

顯示屏：15.6吋LED（1,366×768）

顯示卡：ATI Mobility Radeon HD5730

其他：JBL杜比喇叭、雙制式電視接收器、DVD燒碟機、HDMI、eSATA

體積：385×255×33mm

重量：2.7kg

撰文：鍾鎮科

攝影：盧展程

查詢電話：800 938 881