莊思敏有意隆胸撼o靚模
莊思敏、Rosemary及「翻版關之琳」Jocelyn夫婦前晚一同出席「Angels Rock 2010籌款之夜」活動，談到一眾o靚模密謀出寫真攻陷書展，莊思敏笑言沒有膽量：「今年咁多個都出，個個身材都咁勁，自己好明顯唔夠撼啦，等我豐胸成功先啦。我一直有留意新產品，但抗拒放矽袋嗰啲方式。（男友有冇投訴？）冇呀，如果有就分得手啦，係自己想大啲啫！」她在書展將推出越南旅遊書，書內不會有性感相。母親節將至，其母在馬來西亞未能一起慶祝，母親着她不用送禮物，將心意捐作賑災。
同場的Rosemary表示與中巴型男交往中，但未正式拍拖，她承認喜歡對方，可惜他經常不在港，又說以前花太多時間拍拖，浪費時間，現想學多點東西自我增值。活動完畢後，Rosemary與友人到D-I消遣，其男友人更拿着一對翅膀放在其背部讓她拍照，認真搞鬼！
