Danielle掛住BB一日5電

久未露面的名模Danielle昨日來港出席活動,幸福滿瀉的她自言與老公約法三章,不能離開囝囝Benjamin超過兩天,一天內要與愛兒通上五次電話,總之一副有仔萬事足的模樣!

Danielle昨日與諸葛梓岐及台灣模特兒瑞莎一同出席又一城活動,並即場製作母親節禮物。其中結婚產子後首度在港公開露面的Danielle表示心情十分緊張,她說:「好興奮呀,等咗好耐喇,今次係生完BB後第一個工作,覺得好好玩呀!」

同老公約法三章

問Danielle母親節如何慶祝?她表示母親會飛去馬來西亞慶祝,而她會送手袋及化妝品給媽咪;記者笑問八個月大的Benjamin近況?Danielle即時甜笑說:「我好掛住佢呀,每一日都會打五次電話畀佢,睇吓佢食同瞓得好唔好。」記者稱讚她收身快?Danielle表示自己有做瑜伽和健身減肥,老公可滿意她的身形?Danielle說:「佢鍾意我多肉啲,代表健康啲,佢好支持我做番模特兒工作,所以我都想多啲嚟香港做嘢,不過已經同老公約法三章,唔可以離開BB超過兩日,否則就要帶住BB開工。(如果有人搵你同BB拍廣告呢?)要問過老公先,不過我諗佢都OK。」早前她已與名模好友樂基兒見面敍舊。

諸葛保險贈母親

同場的諸葛梓岐表示母親節會飛往北京會合在當地開會的媽媽送上驚喜,她會送一份保險給母親作禮物。問到男友可會與她一起慶祝?諸葛說:「佢自己都有媽咪,都要陪佢。(會唔會同未來奶奶補祝?)有機會一定會,因為孝順好緊要。」她說與男友感情穩定,工作各有各忙。

瑞莎的父母在烏克蘭未能一齊過母親節,之前已請父母到埃及玩。她說以前買了兩幅地給家人,給父母的一幅當年以十萬美元買入,後因總統搬往附近居住,令地皮升價至一百萬美元,家人總算可安居樂業! 文:名人組