Timeline X寸勁 打足8小時

詠春熱爆全城，甄子丹玩寸勁、王家衛同梁朝偉又玩寸勁，連Acer新一代Timeline X都寸勁上身，將13.3吋筆記簿打造成一吋咁薄，更植入強勁效能的Core i5處理器和Radeon獨立顯示，莫講話閒時睇高清影片，帶出街玩Online遊戲隨時打足8小時，六、七千元有交易你話抵唔抵打？
13.3吋Timeline X的機身連6-Cell電池重量只有1.8kg，女士們拎出街都唔怕攰。
13.3吋Timeline X的機身連6-Cell電池重量只有1.8kg，女士們拎出街都唔怕攰。

撰文：鍾鎮科　攝影：譚建章

查詢電話：2564 9200

杜比立體聲喇叭兩旁只設有一枚Program快捷鍵和開關按鈕，以簡潔為大前提。
  • 杜比立體聲喇叭兩旁只設有一枚Program快捷鍵和開關按鈕，以簡潔為大前提。
朱古力Full Size鍵盤夠型格，還可以上下左右等按鍵控制光暗、音量和播片功能。
  • 朱古力Full Size鍵盤夠型格，還可以上下左右等按鍵控制光暗、音量和播片功能。

售價：$6,498（AS3820T）

揭開Timeline X機身只有一毫子直徑咁薄，最厚亦不過1吋左右，擺落袋唔怕阻地方。
  • 揭開Timeline X機身只有一毫子直徑咁薄，最厚亦不過1吋左右，擺落袋唔怕阻地方。
6-Cell 6,000mAh電池配合慳電LED芒、低耗電硬件，令使用時間長達8小時。
  • 6-Cell 6,000mAh電池配合慳電LED芒、低耗電硬件，令使用時間長達8小時。
超薄機身同樣有齊USB、HDMI、VGA等插頭，需要時可外接燒碟機或駁電視輸出。
  • 超薄機身同樣有齊USB、HDMI、VGA等插頭，需要時可外接燒碟機或駁電視輸出。

　　　$6,998（AS3820TG）

只需在《Backup Manager》選擇檔案和時間，系統便會定時自動儲存。
  • 只需在《Backup Manager》選擇檔案和時間，系統便會定時自動儲存。
Aspire AS1825PTZ採用了CULV SU4100省電處理器及多點觸控扭芒。售價：$5,998
  • Aspire AS1825PTZ採用了CULV SU4100省電處理器及多點觸控扭芒。售價：$5,998
15.6吋Aspire AS5745G備有GeForce 330M顯示和Blu-ray光碟機，主攻流動家庭影院。售價：$7,998
  • 15.6吋Aspire AS5745G備有GeForce 330M顯示和Blu-ray光碟機，主攻流動家庭影院。售價：$7,998
  • 放大圖片

　　　$7,998（AS4820TG）

Core i5搭Radeon

打機勁

一吋超薄機身要做到高效能長時間並唔易，換粒快CPU又怕過熱、用大電池又怕太重，所以巿面Fujitsu、Sony等超薄機款往往過萬元。而Timeline X「寸勁」的秘密，除了換上慳電30%的LED屏幕、低耗電硬件和鋁合金機身，更植入新一代Core i5-430M處理器，利用Turbo Boost智能超頻技術提升效能。最吸引是連顯示卡都升級，可選配ATI Mobility Radeon高階獨立顯示，用來打3D遊戲夠晒流暢。

預載備份娛樂工具

記得上年Timeline曝光時，憑藉超薄機身和8小時用量已令人趨之若鶩，今次推出第二代Timeline X大幅提升效能之餘，連周邊和軟件功能都全面升呢，內置Dolby Home Theater環迴立體音效和HDMI高清輸出，配合《Arcade Deluxe》娛樂中心，令筆記簿隨時變身高清影院。

此外，系統更追加《Backup Manager》備份工具，只需預校時間便可將重要檔案自動儲存，工作玩樂自然更安心。

同場加映

Aspire扭芒及Blu-ray機

自從Intel新一代Core流動處理器於年初面世，各廠紛紛加推新款筆記簿，而Acer Aspire系列當然亦有新機推出，由11.6吋輕巧省電系列到15.6吋藍光影音系列全部有齊，當中較矚目的15.6吋Aspire AS5745G採用Core i5處理器及GeForce 330M顯示卡，連埋Blu-ray光碟機都係八千元有找；另一款走Tablet篤芒路線的Aspire AS1825PTZ則採用11.6吋多點觸控屏幕及CULV雙核處理器，可說是抵玩實用之選。