吳君如密密造3個月博有B

已是一女之母的吳君如,為密謀三個月內造人成功,推了兩部電影,更暫停接戲,君如自言已是高齡產婦,體力有限,對造人成功顯得有所保留,更笑言不成功便收工,不再為此糾纏!

06年剖腹產女的吳君如,近日有意再做媽咪追多個。昨日,她以代言人身份出席護膚品COSME DECORTE活動時,透露近日已開始與陳可辛的造人計劃,為此她已推掉兩部戲,又從姑婆處獲得古方調理身子。

唔成功就收工

至於何時開工造人?君如表示陳可辛剛離港到大陸工作,續說:「啱啱同古天樂拍完部戲,嚟緊都要做宣傳,手頭上仲有其他工作,之後先有機會試。」她說未來三個月將不接戲,看看造人是否有成績,自言是高齡產婦的君如,對造人成功的信心未算很大,並有所保留地說:「呢幾個月試吓啦,唔得就收工,唔會再為呢個問題糾纏,因為冇體力喇。」問她會否考慮打針助懷孕?她表示不會為生BB而搏到盡:「打針好傷身㗎,又辛苦,所以肯打針嘅媽咪真係好偉大!」

慶幸有另一半

此外,入行逾廿年的君如,自言一向恨當護膚品代言人,如今終於遇到識貨之人找她,並自爆品牌贊助她全香港最貴的面霜任用,笑言省回不少錢,她說:「樽護膚品要九千五百蚊,夠用個零月,有次我去大陸做嘢,都拎咗去用,因為天氣乾燥,好快用晒,搞到品牌社長山崎先生都話我用得快。」

活動上,君如與相識多年的老友黃偉文(Wyman)大談舊事,Wyman重提十多年前因感情失意而跟君如說,日後兩人未能找到另一半就會結婚,說罷,兩人均說:「好彩我已經搵到啫!」場面搞笑。

文:名人組