戲院內蠔氣開餐

精選當造生蠔

位於UA太古城中心內的新餐廳03，可謂佔盡地利，買完飛行過兩步就到，即使唔睇戲亦可入去食飯。小記查探過，得知它屬炮台山Oyster3的姐妹店，當然以靚蠔做主打。Zoie自言愛食蠔：「我耐唔耐就去蠔吧食飯，高峰期試過一個月三次，最鍾意食細細隻、質感爽的，或揀有齊唔同品種的生蠔拼盤。」

餐廳每日約有十款生蠔供應，老闆Felix表示當造的有法國、南非、愛爾蘭及蘇格蘭生蠔，還會不時按產地轉換。Zoie叉起生蠔品嘗，生蠔群邊即時縮起，非常新鮮，配杯白酒就更正，Felix即時教路應配帶點酸味的白酒，因果香味太重的話，其甜味便會蓋過蠔味，變成喧賓奪主。

即使不嗜生蠔，亦可改選熟蠔系列，包括菠菜煙肉焗蠔、白酒乾葱蒸蠔或天婦羅炸蠔。$38/隻

新鮮生蠔 每隻$34起 老闆Felix推介今期當造的有法國、南非及愛爾蘭等地靚蠔，每日約有十款精選，柯打生蠔拼盤便可多試幾款。

買小食入戲院

如果不嗜生蠔，大可改選「熟蠔系列」，當中包括白酒乾葱蒸蠔，煮法帶中菜影子，特別入味之餘，還散發微微酒香，卻沒焗蠔、炸蠔的油膩。餐牌大致跟炮台山店相同，所以會供應沙律、湯、漢堡包、意大利飯及甜品等，見Zoie試食時心情興奮：「三色無骨雞鎚好得意，可以一啖食落肚，另外，馬拉蜆夠大隻，肉質爽甜，用啤酒汁去煮，好有新鮮感。」

平日去睇戲，通常會話嚴禁帶「非本戲院售賣食物」，可惜一般小食部選擇太少，但這裏就吸引得多，因大家除可在餐廳內開餐，亦可將食物買進戲院。戲院方面補充話：「只要食物沒有醬汁、沒有殼及沒有骨，便可以買入戲院食，生蠔要坐低慢慢歎，當然係響餐廳開餐最好。」

三色無骨雞鎚 $68 無骨雞鎚最好大啖食，先炸後焗肉質嫩滑，可試齊燒烤、芥末及青芥等口味，微微的辣只覺惹味。	香茅青椒意大利奶凍 $48 平日充滿奶香的滑溜奶凍，這次增添了香茅味，香茅既用奶浸過夜，煮的時候亦加入香茅，難怪奶凍會如此入味，創新得來算易入口。	免治羊肉漢堡 $88 以羊髀肉混合香草、洋葱自製羊肉漢堡扒，然後煎至七成熟，便跟番茄、生菜及青瓜變成巨型漢堡。
墨魚波配香蒜蛋黃醬 $68 如蝦膠般製法的墨魚膠，混合甘筍粒及墨魚粒，搓成波形香炸，入口香脆彈牙。醬汁由香蒜、芥末、橄欖油及香草等調製，蘸少少已夠味。	墨魚汁鮮墨魚意大利燴飯 $138 以黑食黑的一道菜，意大利飯煮得Al dente，難得各方面都很配合。	餐廳鄰近戲院售票處，雖不大但簡約舒服，睇戲前不妨來「蠔」一「蠔」。

撰文：楊淑英

攝影：梁偉德

查詢電話：2907 0093