姜紫藍牛一願望有安樂窩

𡃁模姜紫藍（Color）日前與fans在冒險樂園舉行別開生面的生日會，而一班Agirls成員師妹也來撐場，壽星女以一身螢光粉紅裝扮示人，十分eye-catching。其後在會上更獻唱《送我一個家》，表示與家人同住是一種福氣，自己也想與家人同住，說到此時，她便眼泛淚光。

Color接受訪問時坦言：「年年生日願望係愈嚟愈靚，但其實我最想可以有一頭家。（結婚囉？）我想有自己屋企。（想做業主？）我想買層樓，可以同爹哋、媽咪、兄弟姊妹一齊住，可以有親情感覺。（豈不是要買豪宅？）都係，所以我要畀心機搵錢。（幾時實現？）睇個天，隨緣啦！」

她又表示現忙於寫書，將在今年書展推出，她說：「我唔想靠個樣搵飯食，想用文筆搵飯食，本書係寫關於感情同愛情，有77個故事，全部係我親身經歷。（你愛情咁豐富？）都唔係，只係會爆啲人點解追唔到我，有好多追求者都係宅男囉！」問到她是否好恨拍拖？Color九唔搭八說：「其實希望有一個家的感覺！」