橫濱直擊CP+換鏡相機天下

數數身邊的相機牌子，Canon、Nikon、Olympus、Sony、Panasonic等九成來自日本，難得她們聚首一堂參與日本首屆CP+（Camera & Photo Imaging Show）相機展，當然要直擊報道這項「影」壇盛事，最正是會場唔單止大過香港多多聲，Show Girl多、影友多、連花臣都一樣多，間間都擺靚個陣出換鏡新機，勢掀起換鏡熱潮。

Sony成個足球場搬來CP+，仲請日本妹踢波供人試機，小記都忍唔住手連拍幾張。
  • Sony成個足球場搬來CP+，仲請日本妹踢波供人試機，小記都忍唔住手連拍幾張。
Sony正式加入「Mirrorless」大家庭，雖然新機有得睇冇得摸兼未公布詳細規格，但總算有驚喜。預計5月推出。
Sony正式加入「Mirrorless」大家庭，雖然新機有得睇冇得摸兼未公布詳細規格，但總算有驚喜。預計5月推出。

Sony靚女踢波任影

作為日本最大相機展，CP+地方大到想點玩都得，Sony就食住世界盃熱潮，將個小型足球場搬進攤位，讓影友們可試用Alpha單鏡機連環快拍，細節位拎滿分，皆因連日本妹大眼仔、假睫毛都影到，化晒妝踢波夠專業！另一驚喜是「Mirrorless」細機現真身，金屬外形可以換鏡影相兼拍高清片，潮人必入。

Panasonic、Olympus 實試Micro 4/3

同樣是拆除反光鏡的Micro 4/3換鏡DC陣營，Panasonic及Olympus均有新機亮相，Panasonic仲搵來幾個Model行騷力谷Lumix G2，它支援輕觸式180度反芒及高清拍片，雖然拎上手比GF1大部，但勝在畫質更靚、自拍更就手。與此同時，Olympus則加推平價版PEN Lite E-PL1，小記仲即場借到新機，游走新宿、涉谷等勝地試機，明天為各位作詳細報道。

模特兒襯番Panasonic G2新機顏色行Catwalk，扭芒換鏡玩自拍型到爆。
  • 模特兒襯番Panasonic G2新機顏色行Catwalk，扭芒換鏡玩自拍型到爆。
G2是較少Micro 4/3細機加入輕觸式180度扭芒功能，方便以不同角度影相和拍高清片。
  • G2是較少Micro 4/3細機加入輕觸式180度扭芒功能，方便以不同角度影相和拍高清片。
Olympus快將推出E-PL1換鏡DC，小記游走日本景點實測，明天為讀者詳細報道，想入手的話定必留意。
  • Olympus快將推出E-PL1換鏡DC，小記游走日本景點實測，明天為讀者詳細報道，想入手的話定必留意。

Sigma、Pentax壓軸新機亮相

講到換鏡又點少得大機嗰份？當中叫粉絲等得最耐的肯定是Sigma及Pentax，自08年Sigma SD15公布以來，等了兩年終於有真機面世；而Pentax更展出首部中片幅645D單反，內置4,000萬像素CCD，放大靚相更方便。

等了兩年的Sigma SD15今年終於有得玩，用慣Sigma SA鏡頭的粉絲準備升級啦。
  • 等了兩年的Sigma SD15今年終於有得玩，用慣Sigma SA鏡頭的粉絲準備升級啦。
作為Pentax首台中片幅相機，645D內置4,000萬像素CCD，比哈蘇更抵玩。
  • 作為Pentax首台中片幅相機，645D內置4,000萬像素CCD，比哈蘇更抵玩。
中片幅尺寸與傳統135格式稍有不同，最重要是像素和畫質更高，引來不少人排隊試機。
  • 中片幅尺寸與傳統135格式稍有不同，最重要是像素和畫質更高，引來不少人排隊試機。

與別不同Model巡禮 CP+全球三大相機展

大家可能對CP+這名字比較陌生，其實是由日本最大相機展Photo Imaging Expo（PIE）演變而來，同由CIPA主辦，大家平時影相成日聽到的PictBridge、Exif等標準，就係由CIPA制訂出來。今年首次變成CP+相機展，便吸引全球77間大廠參加，與美國PMA及德國Photokina並列全球三大相機展。

港女十式Model：日本Model出名多表情、多動作，叫佢擺港女十式都難佢唔倒。
  • 港女十式Model：日本Model出名多表情、多動作，叫佢擺港女十式都難佢唔倒。
立體投射Model：Epson用投影機做的紙板Model，識郁識講野，遠睇真嘅一樣。
  • 立體投射Model：Epson用投影機做的紙板Model，識郁識講野，遠睇真嘅一樣。
  • 放大圖片

日期：2010年3月11~14日

展場：日本太平洋橫濱國際會展中心

面積：20,000平方米

入場人次：近50,000人

特派記者：鍾鎮科

特派攝影記者：盧展程

鳴謝：Olympus