英國女星Emily Blunt首次與影帝班尼斯奧迪多路於翻拍新片《狼人》合作，膽小的Emily笑言對方似狼人夠驚嚇，更指看該片差點睇到嘔！

記：Emily，你好像很少拍驚慄電影吧？

E：《狼人》對我來說是不同戲種，非常有趣，但有時你要在一個完全虛擬與超自然的世界上，演一個好真實嘅反應實在有難度，因為你冇經歷過！我又唔相信有狼人存在，所以更難。當然，班尼斯奧個樣勁驚嚇會有幫助！

記：你覺得班尼斯奧個狼人look點樣？

E：好適合！因為佢本身都似狼樣，哈哈！已經成功咗一半。其實佢好funny又傻氣，我成日都笑佢。

參與創作

記：班尼斯奧，你係原著電影嘅粉絲，有否收藏有關物品？

班：有，我係三、四十年代所有恐怖片如《齊天大聖》、《木乃伊》等嘅粉絲，係睇這些八毫米及四分鐘片大，這些東西便是我首批收藏品。之後，我就在電視睇到完整版本。

記：還儲了甚麼狼人紀念品？

班：大多是六、七十年代出的《Famous Monsters》雜誌，模型公仔及最經典嘅Lon Chaney主演《狼人》電影黑白海報，但最原裝嘅紀念品已經好少同很難找到。

記：班尼斯奧，你今次除了做男主角，還是該片監製，參與了甚麼製作過程？

班：我與經理人去環球片場Sell這條橋，與行政人員開會，當時正準備拍《哲古華拉》，留了長髮及鬍子，幾似一隻狼人，決定開拍後，我都有參與創作過程，好興奮。

最怕被追

記：Emily，你可否講述你的角色？

E：個角色係悲慘嘅純情少女，初時導演搵我，我猶豫過，因為這是套大電影，但能夠同兩位極出色嘅演員合作，真係別無他求！不過，我戲中經常被狼人追，我由細到大都好怕畀人追，就算媽媽開玩笑追我，我都會喊，所以拍此片簡直係活在噩夢中，但都好好玩。

記：那你拍畢後夠膽看該片嗎？

E：我想……我看了七、八成啦！好正，是向經典怪獸電影致敬。不過套戲真係超恐怖，我睇嘅時候有幾次都差點嘔出來！

5粒鐘飾狼

由於《狼人》主要是想向經典恐怖片致敬，班尼斯奧迪多路在片中飾演的狼人並不採用電腦特技塑造，而是回到「原始」，靠班尼斯奧化狼人妝上陣。原來班尼斯奧每日要花五小時上妝，黐上濃密毛髮，他常睇DVD打發時間，而Emily Blunt亦會在中途入化妝室娛樂他。Emily憶述指：「我記得有日佢話覺得化到好似被埋葬咁，我即刻叫佢冷靜點！」

文：外娛組