戴妮廷（Eydie）將於二月九至十三日假中環Philia Home舉行慈善攝影展，並以「Love」為主題。
Eydie稱一年前已有此構思，她花了九個月時間拍攝，對象包括Rosemary、Ana R.與兩隻愛犬、陳見飛及龍殿兒與弟弟等。提到舉行相展的因由，Eydie表示︰「上年二月我嘅朋友開咗一個租畀人搞展覽嘅Function Room，佢問我有冇興趣搞展覽，當時我想周遊列國多一陣，所以延遲到今年先實行。」今次攝影展會為Variety the Children's Charity籌款。問到為何以Love為主題？她說︰「因為去年經濟好差，好多人唔開心，我想以Love做主題，令人記番愛嘅重要，包括友情、親情、愛情以及對寵物嘅愛。」
