在香港，1月至3月是士多啤梨的收成期，果實又甜又多汁，未食已經流口水……

某日下午，Elsa見Chloe和Issac放了學，便帶他們參觀粉嶺鶴藪一有機農莊，原來那兒正舉行有機士多啤梨節，遊人可邊摘邊食，順道認識田野生活。各位爹哋媽咪可有興趣跟子女來個有機約會呢？撰文：梁穎恒 攝影：盧展程

除了士多啤梨，園內亦種有櫻桃蘿蔔，它共有5種顏色，營養價值高，建議生吃或滾湯。	另一種有機傑作—紫甘筍，可生吃亦可榨汁飲，有益健康。	貌似薰衣草的九層塔，是天然驅蚊器，稍稍搖晃即可發出香味。

模特兒：Elsa（Kaledoscope）、

有冇興趣試試即摘即煮火鍋，於田園間打邊爐，品嘗粟米、紫芥蘭頭等有機蔬菜，烚得過癮！	放大圖片	放大圖片

Chloe Cheng、Issac Ng

Issac 摘士多啤梨好好玩，你睇我嘅收穫幾豐富。	Chloe 粒粒士多啤梨都好甜，真係食到唔停得口！	Elsa 士多啤梨又香又甜，忍唔住要又食又拎呢！

認識有機文化

據農莊主人郭Sir表示，本身是養魚人士，4年前轉營有機耕種，除了想回味田野生活，亦希望讓更多人了解有機概念，因此農莊開放予公眾，並定期以不同的時令蔬果作招徠，例如1至3月定為士多啤梨節，3至6月搞車厘茄節，5月搞粟米節及西瓜節等。「我希望大家並非只為採摘士多啤梨而來，因此參觀過程設有導賞，講解包括士多啤梨等各類蔬果如何在有機耕作下成長，藉此宣揚『有機』的理念、價值及飲食文化。」

下午食最鮮甜

說到園內的士多啤梨，品種屬美國法蘭蒂，其特性較適合香港氣候。不說不知，摘士多啤梨都要講Timing：「下午摘士多啤梨最好食！」原來郭Sir為了知道採摘士多啤梨的最佳時間，早年曾進行實驗，試過每天早午晚吃足150粒士多啤梨：「吃士多啤梨講求甜、酸、香，3種味道能平均發揮就最好；下午陽光充沛，士多啤梨能吸收更多營養，因此更飽滿香甜。」身為士多啤梨迷，冇理由唔親口試試吧！

除了任摘任吃士多啤梨，園內亦可找到多款平日較少見的有機蔬菜，如櫻桃蘿蔔、尖椰菜、鹿脷生菜、紫甘筍、紫芥蘭頭等，想吃？農莊設有訂購服務，但要先登記成為會員。

鶴藪有機盆栽蔬果

地址：粉嶺鶴藪村鶴藪排

收費：入場+導賞 $20（大小同價） 場內任食士多啤梨 $100/位；即摘即煮火鍋 $150/位

查詢：2674 6638（須電話或網上預約）

網址：www.organic.com.hk