今年2月14日情人節與大年初一同一日，熊黛林（Lynn）決定撇低男友郭富城，獨自返鄉下過年，被迫兩地相思。昨日Lynn出席活動時，被安排戴上一條有AK（Aaron Kwok）字樣的頸鏈，不過她否認自己掛住城城，強調自己被擺上枱。

Lynn、林莉、陳見飛、郭秀雲、Rosemary、羽翹等昨日出席丹麥著名品牌PANDORA首飾店開幕儀式，Lynn現身時特別戴上一條有「AK」二字的頸鏈，不過她表示事前全不知情，是大會特別安排她戴上。

工作人員為Lynn戴上AK字樣頸鏈，名正言順「掛」住Aaron。	放大圖片	林莉否認蜜運中，正在等人追。

有人送首飾會收

記者笑她大可日日都「掛」住城城時，Lynn立即說：「係大會幫我戴嘅，要我掛住！」她又表示從來沒有收過男性送首飾，問到若果城城送首飾又會否接受？Lynn笑說：「如果有人送都會收。」今年春節Lynn已計劃返家鄉南京與家人一起度新歲，因此沒有時間準備送情人節禮物給男友，她卻說：「我曾經送過小禮物畀男性朋友，禮物上刻住對方個名。」至於是何人她不予透露。

提前過節笑咪咪

另外，今年農曆年初一與情人節是同一天，Lynn返南京過節城城不會隨行，她說：「佢都有自己家人！（你哋豈不是唔可以一齊過情人節同正月十五的中國情人節？）我家鄉同香港唔同，正月十五只係團圓，中國情人節係七月七日。」問到會否提前過情人節？Lynn一味笑笑口但封嘴不答。

同場的陳見飛穿上一件Deep V靚裙現身，可是未見胸湧，她說近日工作及財政都OK，暫時雖未有拍拖，但已有人追求，至於有否發展空間？她故作神秘的說：「唔知呀！」

文：名人組