名模馬詩慧（Janet）和丈夫王敏德昨日出席「周大福賽馬日」，齊齊佩戴價值合共約110萬元Luxury Jewellery首飾。對於近日又再發生鏹水彈事件，Janet說：「啲人愈來愈無聊，應該揀啲空曠地方，唔好扔鏹水，淋水好嘞，唔好傷害其他人，我都會叫仔女小心啲，行有瓦遮頭地方，因為佢哋鍾意行鬧市。」

另外，自言有落場投注賽馬但輸了六十元的王敏德，說曾以五百元下注冷馬，贏了超過二萬元彩金，至於有否把彩金給老婆，他即不出聲，Janet在旁笑說：「唔出聲即係冇啦！」對於有指任達華（Simon）被內地演員利用做宣傳，兩人均說未有聽聞，王敏德說如是自己會好嬲，更笑言自己不懂普通話，Janet笑說：「遲啲我都跟埋Simon返屋企做吓新聞先，我唔擔心老公，佢咁大個人有控制能力，唔通跟到就上咩？」