Happy New Year！新年快樂！昨晚元旦夜大家如何過？相信大家應該都係同愛侶親朋一起倒數慶祝吧！若感到意猶未盡，今晚不妨直落狂歡多一晚，讓新的一年有個好開始吧！如果打算自己搞個2010 Home Party的話，就一定要準備紙筆抄低由靚女廚師張詠薇（Jenny）教各位數款有營Party Food喇！一於以健康美味的派對美食來迎接新一年！
本身為香港註冊護士的Jenny，或許是基於其職業本能關係，雖然平時愛烹調愛美食，但同時亦非常着緊飲食健康：「健康飲食是個大趨勢，好多人都認為Party Food大多是Junk Food，油膩而不健康，但其實只要懂得選料，Party Food亦都可以健康又美味。」這次，Jenny就選擇了於中環開業不久的有機食品店「園圃生活」，新店主力提供由美國直接空運到港的有機蔬菜及國外進口的有機天然食品，當中不少更是無穀膠食品（Gluten Free）以照顧對食物過敏的人士，果然設想周到！而Jenny今次炮製出三款健康有機美食，食多多都無有怕！
蔬菜蛋批
材料（9件）
撻皮︰
鹽 少許
牛油 60克
雞蛋 1隻
低筋麵粉 125克
餡料︰
黑椒 少許
菠菜 60克
鮮蘑菇 60克
雞蛋 1隻
芝士 50克
番茄乾 30克
牛奶 60毫升
淡忌廉 60毫升
1.牛油切粒雪硬備用；把麵粉篩入大碗內，加入牛油粒並搓成麵包糠狀。打入雞蛋搓成麵糰，擀至3毫米厚，鋪入蛋撻模內雪30分鐘備用。菠菜灼30秒後切碎，蘑菇切片略炒加鹽調味後備用。
2.牛奶、淡忌廉及雞蛋拌勻，加鹽及黑椒調味。取出批底，放上菠菜、番茄乾及蘑菇，倒入蛋漿於面層灑上芝士碎，焗爐以190℃焗35~40分鐘即成。
貼士
1.牛油一定要夠冰凍，而且必須搓成麵包糠狀，批底口感才會鬆軟。
2.批底焗前用叉拮窿有助透氣，可防止焗時批底變形。
洋葱湯
材料（四人分量）
洋葱 2個
牛油 少許
菜油 少許
巴馬臣芝士 少許
有機洋葱湯 1公升
1.洋葱切絲備用，燒熱鑊下牛油及菜油，把洋葱炒至金黃色。
2.倒入有機洋葱湯煮熱，上碟後於面層灑上巴馬臣芝士即成。
貼士
洋葱要以慢火炒至金黃色，否則易燶。
Pesto醬配火腿脆條
材料
鹽 少許
黑椒 少許
蒜頭 2瓣
松子仁 55克
羅勒葉 55克
無鹽牛油 55克（室溫放軟）
橄欖油 150毫升
巴馬臣芝士 4湯匙
脆麵包條 適量
巴馬火腿 適量
1.蒜頭去皮與松子仁一起搗爛，加鹽調味。羅勒葉去莖留葉並撕碎搗爛，加入牛油及橄欖油混合即成Pesto醬。
2.把巴馬火腿裁成長方形，再裹着脆麵包條即可配Pesto醬同吃。
貼士
醬材料可以攪拌機攪爛，但卻不及人手搗爛般能保留松子仁及香葉的口感。
煮持人︰Jenny Cheung
（http://hk.myblog.yahoo.com/jennycheung725）
撰文︰李潔穎
攝影︰胡淑儀
有機食材提供︰園圃生活 2523 3123