有「翻版楊怡」之稱的「美少女廚神」余曉彤（Hidy）前晚現身中環夜店，出席「Tokyo Girls Night」活動，與一眾o靚模齊齊為時裝品牌Prime Girl行騷，氣氛相當熱鬧。曾屬姚樂怡經理人公司旗下的Hidy主動透露已經解約：「早排解咗約，大家方向唔啱。其實香港嘅競爭幾大，自己想去泰國發展，嗰邊嘅薪酬同工作性質都好似比較好，準備簽約嗰邊嘅模特兒公司。」

而同場的o靚模中，以短髮型格打扮的Wiyona表現較為突出，擺出多個甫士，又跟現場觀眾互動。Wiyona說：「之前都幫過呢個品牌行騷，亦都試過酒吧騷，唔驚啲酒客唔規矩，呢度保安好好。」行騷後，Hidy跟Wiyona更即席表演打碟助興，炒熱現場氣氛！