「警鐘胸」混血女模Jessica C.，早前帶男友Sergio返芝加哥見家長兼過聖誕，玩足三個星期。首次跟Jessica家人見面的Sergio精心挑選禮物給女友父母，但竟忽略女友需要，即使Jessica曾暗示想收手錶亦未有「就範」！

Jessica首次帶男友Sergio回芝加哥見父母，事前Sergio表現緊張，四處向友人打聽應為長輩送甚麼禮物，結果Serigo買了名牌手袋送給「未來外母」，又陪「未來外父」打機。Sergio與Jessica的兩位妹妹Tara和Christine亦非常投契，結伴到Millenium Park四處玩，故Sergio芝加哥之旅可算「入屋」成功。

屋企交換禮物

Jessica高興表示：「聖誕節正日我哋一家人去咗教堂，呢個係每年嘅指定動作。成個聖誕假期，我哋習慣喺屋企互相交換禮物，煮下嘢食，媽咪會整啲傳統甜品畀我哋食，因為天氣凍，唔會特別出去玩，不過都有同男友滑雪。」

Jessica曾向男友暗示希望收腕錶作聖誕禮物，但Sergio卻送了一個手提電話給她，她笑說：「因為佢知道我需要電話多啲，喺香港一路用公司畀我嘅電話，佢嫌個電話太out，我就送咗副太陽眼鏡畀佢。」

一對小情侶結伴滑雪，過一個白色聖誕。

Sergio跟Jessica兩名妹妹Tara（中）及Christine玩得盡興。

返港翌日開工

踏入新一年，Jessica希望努力工作儲錢在芝加哥置業，現在會將大部分錢交由母親保管。即將返港再戰模界的她，其隸屬的模特兒公司Model One已為她安排排山倒海的工作，她說：「之前生咗好多粒粒，喺美國休息咗三個星期，皮膚靚番好多。返嚟香港第二日就要影相，同埋會出席9日嘅仁濟夜。另外仲有三個廣告，包括化妝品同內衣。」

文：名人組