同樣擁有警鐘胸的趙碩之（Wylie）和高海寧，昨日分別以麥當娜和瑪麗蓮夢露的性感造型大鬥法，Wylie以露肩裙上陣谷出3吋乳溝，相反高海寧為防走光以膠紙密封咪咪，難怪峰頭被Wylie搶去！
向來不吝嗇驕人身段的Wylie和高海寧，昨日應邀到新太陽廣場出席「新地聖誕樂壇巨星駕到」記者招待會，Wylie及高海寧分別以麥當娜與瑪麗蓮夢露兩位巨星的造型大鬥法，期間更即席跟扮嘢高手Lorelei Prince學習麥當娜的舞姿。
自評造型神似
以露肩裙上陣的Wylie谷出3吋乳溝，酥胸半露的她落力跳舞，更出現「波濤洶湧」的情況。相反，高海寧以一襲露背掛頸裙上陣，為防裙子移位搞到走光，就以大量雙面膠紙「封胸」，跳舞時又不慎現出打底膠紙，其手腳和表情也不及Wylie奔放自如，論性感程度及可觀性，Wylie可謂贏開巷。
騷後Wylie接受訪問，自評造型的仿真度有九成九似，她說：「仲爭一分，因為我今日冇黐假眼睫毛。」而高海寧則表示事前並沒有為造型試身，但不忘感激大會為她準備的戰衣有「安全帶」，她說：「條裙露背嘅，後面有條帶箍實，我都有打底，亦都有黐膠紙。」
崔建邦衰衝動
此外，對於崔建邦涉嫌襲擊女友中巴混血模特兒鄺敏慧，Wylie表示相信報道：「可能佢一時衝動，我都識佢，佢唔應該打女人，應該保護女人。」而高海寧則謂表示接觸過崔建邦，並對事件感到驚訝：「我唔係當事人唔知來龍去脈，以我認識佢，唔覺佢係咁，平時佢好斯文！」
文：名人組