熊黛林（Lynn）心目中最完美的聖誕節就是能與至愛共度白色聖誕，浪漫地撐枱腳食燭光晚餐，然後拆禮物：「禮物一定要包到好靚，因為拆禮物嘅過程係最開心。」

郭富城偏愛打邊爐，聖誕可能會跟Lynn一起「滾滾下」而不是吃燭光晚餐，對此Lynn說：「聖誕打邊爐好似好奇怪，不如燒嘢食啦，一樣暖笠笠。」

着重在佳節收禮物的Lynn笑言禮物不用昂貴，因物輕情意重，會親手做禮物給城城？她甜笑說：「以前都有織過頸巾畀朋友，雖然唔係好靚，但都希望佢哋會戴。」每逢大時大節Lynn都堅持不開工，今個聖誕，她終可放下工作享受幾天假期：「過年、聖誕同自己生日我都一定休息，有錢都唔搵，同朋友去玩。」