「攻城」失敗兼被郭富城指「諗多咗」的王秀琳昨日出席活動時，竟自稱從來未食過檸檬，又自爆身邊不乏觀音兵，還風騷大晒由追求者送贈的鑽石頸鏈，似乎有意向郭富城示威。

昨日模特兒公司Elite假西九龍中心舉辦「名模成名之路大揭秘」，並邀請楊崢、陳沛嘉、王秀琳（Mango）、羅凱珊（Kama）、呂慧儀、鈴木仁等分享成名心得。

放大圖片

郭富城

從未食過檸檬

提到聖誕，Mango表示已收到第一份聖誕禮物，並指着頸上的鑽石頸鏈晒命︰「係個好熟嘅男性朋友送。（追求者？）都有追緊卦！我識咗佢好耐，當佢係朋友。（你對佢有冇意思？）冇意思，同佢唔會有機會。（你可能令人會錯意？）冇呀！佢純粹送禮物，如果佢表白，我會拒絕。」Mango又稱想在情人節前找到男友，並揚言︰「如果嗰日之前未搵到，就求其搵個人同我食飯。（有好多觀音兵？）有，不過未有打算真係拍拖。（怕食檸檬？）我冇食過，我畀檸檬人食就多。」

被問到會否送聖誕禮物給曾指她「諗多咗」的郭富城時，Mango不置可否地說︰「我未有時間買禮物畀朋友。（佢喺唔喺你個list入面？）買到先，我會預備幾份額外禮物。（會唔會SMS祝城城聖誕快樂？）所有朋友我都會send。（城城開製作公司，你有冇興趣加入？）佢要求係18歲嘅新人，但都希望有合作機會。」

陳沛嘉（右）及王丹妮一見面即雞啄唔斷分享扮靚心得。	楊崢及呂慧儀現身活動分享成名心得。	呂慧儀

Kama冬天封胸

另外，Kama密實到場，她表示剛由台灣返港，她說︰「嗰邊好流行網上拍賣，我有幫拍賣網同雜誌影相，簽咗間經理人公司叫oui。」對於近期高海寧及Jessica C.以大胸上位，她笑言明白Nude Bra很神奇，自己也可以有警鐘胸，她說︰「不過冬天怕凍要收埋，夏天先show off。」

文：名人組