周汶錡（Kathy）前晚為The Macallan 57年The Finest Cut威士忌活動擔任模特兒，坦言向來少飲酒的她說︰「間中一、兩杯都有，但我就唔係好飲得，有時一杯就要返屋企﹗」至於有否試過酒後失儀？她說︰「咁我未試過，因為差唔多醉，身體入面好似有個鬧鐘，響起警號後我就會同朋友say bye返屋企。」她又大讚男友懂得享受美酒，她說︰「我唔會叫男友唔好飲咁多，佢又唔係劈酒，只係享受人生。」她謂聖誕會在工作中度過，不會送禮物給男友，因她寧願拿買禮物的錢做善事。

另外，原子鏸以嘉賓身份即場大展歌喉，身形明顯瘦了的她被問會否繼續減肥？她表示︰「因為我跳舞，跳舞需要力度，冇力就跳唔到。」其後她透露明年會自資出唱片，當中全是英文歌。