自言自己極度貪靚的周柏豪昨日出席時裝品牌tcn:y旗艦店開幕，同場還有陳貝兒及Mandy Lieu等。周柏豪自爆最近發現自己患有椎形眼角膜，醫生指每十萬人中只有四人會有，而他得此症的主因是因為他長期戴隱形眼鏡，他說：「醫生話要減少戴隱形眼鏡，我已經戴咗十三年，佢叫我兩個月之後再check吓可唔可以做到激光。醫生仲話我個眼角膜有機會爆，我媽咪知道後就話『如果你要眼角膜你攞我嗰個去』，我聽完感動到喊。」
另外，同場的Mandy Lieu被問到今年將如何慶祝聖誕節時，她說：「應該要工作，如果係就係我第一年喺香港過聖誕，年年都係返馬來西亞同屋企人過。（男友陳柏霖會唔會嚟香港陪你？）仲未知。」
