千億新抱徐子淇為李家誕下兩位千金，小公主萬千寵愛在一身，子淇更為愛女訂製二百支女兒出生年份的紅酒作她們將來結婚之用。另外子淇亦透露聖誕會在外地度過，更直言希望可以成功造人。

前晚The Mira Hong Kong贊助「Wine for Millions」慈善晚宴，李家誠與太太徐子淇盛裝赴會，而原本會出席的黎明則因發燒不適而臨時缺席。李家誠透露當晚共贊助了102位名人，每位二萬元，共籌得二百萬善款。

愛好杯中物

問李氏伉儷平日是否愛好杯中物？子淇笑說：「鍾意㗎，不過我哋兩個都好渣，飲好少就會面紅，平日都係一、兩杯止，而且飲得多對身體唔好，所以我哋只會揀自己鍾意嘅酒先飲，唔好嘥咗肝嘛！」

問到會否效法坊間父母教女兒飲酒傍身？子淇笑說：「我估我唔會，不過我哋一早已經喺七、八間酒莊訂咗兩個女出世年份嘅紅酒，好似大女係07年出世，就訂07年嘅酒，訂咗二百支，細女就未搵，每支酒上面仲印有佢哋出世嘅相，同埋寫住『爸爸媽媽永遠愛你！』留番畀佢哋第時結婚用，係我哋小小嘅心意，可能二百支未必夠，不過驚遲啲搵唔番佢哋出世年份嘅酒，所以依家要開始儲定。」

大女學滑雪

此外，談到即將來臨的聖誕節，子淇表示會舉家到外地過白色聖誕，她說：「大女依家兩歲幾，可以開始學滑雪，細女就仲未學得，不過都會帶埋佢去，因為唔捨得掉低佢！（老爺會否同行？）新年都會一齊去旅行。」提到早前兩次懷孕都在旅行中成功孕育出來，子淇笑說：「都差唔多，希望下年可以有，（咁要開始喇喎？）睇天意啦！」

文:名人組