名模Amanda Strang前晚應邀出席由惠康超級巿場舉行的「薄酒萊新酒2009」活動，她表示早前在四季酒店跟甜品大師做學徒，獲父親專程來港支持，Amanda說：「爹哋有少少心動，因為我親手做咗三個甜品畀佢食！」Amanda又謂明年一月到三月會到巴黎專心學業：「爭呢三個月我就可以完成Diploma，雖然三個月唔可以喺香港工作，賺少咗錢，但係呢個機會好難得，我要趁後生學習，為我第二個Career（事業）努力，而且我計劃出烹飪書。」問到其緋聞男友中田英壽會否跟她同時在巴黎？Amanda就不置可否謂：「邊個知？」

另外，Amanda透露父母和姑姑會來港一齊慶祝聖誕節，她更會親自下廚弄聖誕大餐，而男友Christian則負責準備沙律醬汁和紅酒。