美國總統奧巴馬上任後首度訪京，令內地掀起熱潮，就連名模陳碧舸（Bonnie）亦被他迷倒，就算被奧巴馬搞到要臨時改機票兼繞道回港，亦絲毫不感生氣，反而大讚對方魅力非凡！

Bonnie昨日出席將軍澳中心「蘇格蘭音樂聖誕風情館」亮燈儀式活動，以單薄的低胸連身裙上陣的她，自爆日前在北京拍攝硬照時，也是穿成這個樣子：「零下十度着春裝喺戶外影相，返到屋企要飲薑湯暖身！」

大讚有魅力

Bonnie續表示早前在北京逗留了一個月時間，日前回港時撞正美國總統奧巴馬離京，令Bonnie要臨時轉飛深圳，她表示：「佢同我都一樣係搭五點鐘飛機離開北京，我屋企前面條路封咗，所以我要改機票，先飛深圳再轉車返香港。」Bonnie指不會因此而不喜歡奧巴馬，更大讚他有魅力：「封咗路有好多民眾都返唔到屋企，住喺首都嘅人都會理解唔會投訴！我覺得佢（奧巴馬）好有魅力。」Bonnie更相信奧巴馬會對亞洲人好，她說：「佢屬於少數民族，上台之後對亞洲人應該好一啲。」Bonnie又補充說美國總統大選前已支持奧巴馬。

唔覺得寂寞

另外，談到感情生活，有新戀情的Bonnie就謂：「不能說的秘密！」經記者再三追問，她才甜笑默認，但依然大賣關子，未有透露對方的身份。問到會否與『秘密』一起過聖誕節時，Bonnie笑言：「我都唔知我嘅『秘密』喺邊，亦都唔會特別因為節日而買禮物。」雖然Bonnie對於感情事三緘其口，但就透露不感到寂寞，完全是一副沐浴愛河中的樣子！

文：名人組