放大圖片

HotCha玩Samsung新機搭出型格

本文重點

多種款式
自創個人化介面
強勁社交功能
規格表

臨近節日，每晚都好多節目，襯衫已經係一大學問，如果好似Hotcha咁一行三人仲可能要襯埋主題、顏色同Accessories，認真頭痛。最新Samsung Corby S3650C便有4色選擇，色彩鮮艷，跟機仲多送兩款特別的至潮機殼，幾個朋友交換用來襯衫就最適合。

多種款式

Samsung Corby S3650C以年輕人為主要對象，所以功能入門啱Budget之餘，顏色亦夠晒搶眼。手機的主色分別為布丁黃、柑橘橙、櫻桃紅及忌廉白，同秋冬季的鮮色Leggings最夾；購買手機時，會附有兩個額外「Fashion Jackets」手機底蓋，分別為主色連圖案及黑色，總之一買機就有3款底蓋，如果幾個朋友齊齊買兼揀不同顏色的話，就可配出更多款式，唔使換機都好有新意。

售價：$1,388

放大圖片

除了鮮色機殼，Corby可配襯不同的Fashion Jackets。

自創個人化介面

除顏色外殼，Corby內置的功能亦能助你凸顯個人風格。手機加入卡通主題，介面十分漫畫化，而且功能表一角的「頭像」可以變裝，供用家打造成獨有的Avatar；手機採用3xTOUCHWiZ介面，可自行設定不同Widgets，夠晒個人化，就算同人撞機殼色，都會有個獨一無二的手機介面。另外，支援A~Z智能解鎖，可將英文字母自訂成多達26款手機解鎖、功能捷徑或快速撥號，用落自然啱手勢！

支援microSD記憶卡，最高達8GB容量。

機背200萬像素鏡頭冇特別配置，影相介面亦十分簡潔。

卡通主題令手機更有趣，而左下角的人頭可以設計成不同樣子，擁有個人化Avatar。

強勁社交功能

Corby配備一個200萬像素鏡頭，影Snapshot都算夠用。影完相，可以利用手機的「社群」功能，將相片一按上載至不同的社交網絡，例如Facebook、Picasa、Flickr等，簡單方便。很多用家想隨時知道朋友的最新動態，Samsung就在Corby首次加入Twitter及升級版Facebook Widget，隨時查閱訊息、個人簡介、朋友邀請及朋友狀態，更可在Widget設定自動提示回應、留言及狀況更新，有Update即時知道。

影相後可以上載至不同社交網絡。	內置中英雙向字典，十分實用。	新增Twitter及新版Facebook Widgets，方便隨時更新朋友Status。
機側利用斜線來分開兩種顏色，設計破格。