已為人母的張燊悅，昨日趁囡囡Lucy到親戚家玩時，偷閒出席家具品牌Stressless的活動。張燊悅坦言Lucy在她心目中永遠排第一，而夫婿則排第二。問到老公會否呷醋？她說：「唔會，佢都係將囡囡排第一！」她又透露有意撇甩囡囡到日本滑雪，返港後再積極「造人」：「想去旅行先，我好鍾意滑雪和潛水，今年做晒呢兩樣嘢先再開工。囡囡得九個月大，等佢三歲先同佢去旅行。」

至於同場的「晶女郎」孟瑤，有指獲王晶力捧為邱淑貞接班人，工作不斷的她拍畢《旺角監獄》後，現在正接洽拍古裝戲，她表示：「應該係扮妖精，第一次做奸角都有難度，係挑戰！」孟瑤坦言雖然一切仍未落實，但她已經構思如何將角色演繹好。