自言擁有C cup上圍的陳法拉，早前在電視劇中有一幕以內衣示人，引起極大回響。現已有不少贊助的法拉，揚言想有內衣贊助，就算要着內衣拍廣告亦冇所謂，對身材充滿自信。　

昨日法拉跟「新邦民女」陳嘉寶（Anjaylia）及名模戴小奕出席Walker Shop鞋店開幕活動，不過Anjaylia及戴小奕示範新鞋時齊齊走光，反而法拉最精明，坐在椅把上示範，免得讓人「低炒」。

男友讚美腿

法拉表示全身由髮型、服裝、指甲及鞋履也有贊助，只欠內衣未有，問她可想有內衣贊助？她笑說：「拍廣告都OK，但畀我揀就有啲尷尬。（覺得自己身材好好？）都仲keep到，過幾年就唔知。」

至於是否滿意上圍，法拉即笑說：「OK啦，唔大唔細，（幾多cup？）外國就B級，香港就C級，（男友滿意你身材？）佢讚我對腳靚囉，其實均勻就OK，我自己就覺得好滿意。」

穿着短裙的Anjaylia示範新鞋時十分狼狽。

戴小奕（右）出席鞋店開幕活動，示範新款鞋子。

港鐵被偷拍

穿上平底boots的Anjaylia站在法拉及小奕身旁明顯矮一截，她解釋道：「我不嬲都鍾意着平底鞋，因為自己論盡，着高踭鞋成日仆親，搭升降機又被升降機夾親，試過有個菲傭見到我被夾住仲大叫oh my god添，周圍啲人又認得我，超尷尬！」問到會否因知名度增加而少坐公共交通工具？Anjaylia透露：「我鍾意搭港鐵，但試過被人偷拍，見到有人個心口有部機對住我，又試過畀部大攝錄機追咗我幾個車廂，所以我會好小心。」

文：名人組