模特兒歐陽妙芝的細仔方玉亨早前兩歲生日，一家人簡單地食飯及切蛋糕慶祝，度過一個溫馨而低調的生日。每年兒子生日也會玩主題的妙芝，今年亦不例外，不過，壽星仔竟主動要求反串扮米妮老鼠，而大仔玉丞則配合對方扮米奇老鼠，妙芝笑言：「細仔好鍾意米妮，佢連瞓覺都係攬住米妮公仔。我哋專登訂咗個米妮同米奇立體造型嘅蛋糕，不過，覺得唔多神似，似A貨多啲，但小朋友見到已經好開心。（送咗咩禮物畀細仔？）每年都一樣，係一隻回顧嘅DVD，錄低佢哋過去一年嘅生活片段，等佢哋可以經常重溫。」

妙芝稱由於老爺主張生日不宜鋪張，大仔玉丞也是四歲才開第一次生日派對，為公平起見，細仔也會照辦。至於今次兩個愛兒的服飾也是由好友代為設計，她打趣說：「佢哋無論生日同新年都有唔同扮相，將來可以開個服裝回顧展，依家好多朋友都問我借衫。」

大仔方玉丞扮米奇老鼠襯番弟弟。

細仔方玉亨作米妮打扮，笑起來十足小女孩。