吳彥祖（Daniel）今年有份角逐金馬獎影帝，其名模女友Lisa S.為安撫男友緊張情緒，昨公開撐他是自己心目中永遠的「影帝」，更樂意為「未來影帝」未婚生子。

將在下月舉行的佳士得秋季「瑰麗珠寶及翡翠首飾拍賣會」，拍賣超過二百五十件、總值高達2.6億港元的珠寶，昨日名模Lisa S.率先展示部分名貴珠寶首飾及名錶，並表示十分喜歡其中估價合共高達1,450萬元的藍寶石系列。

生B要收鑽石

問Lisa有否收藏鑽石？她笑言自己有個小小的鑽石系列，男友吳彥祖也曾送上鑽石耳環作生日禮物，父母亦會在其人生重要時刻如高中畢業等送上鑽石。她說：「將來結婚會戴鑽石及藍寶石，因為我鍾意閃耀，同埋女人生BB，老公都要送鑽石。」

Lisa更揚言隨時準備做母親：「我目標係五十歲之前生，依家我只係十六歲，大把時間。我唔係傳統型，生完BB先結婚都得，婚姻好似BOW TIE咁維繫關係。」

Lisa展示瑰麗珠寶。	吳彥祖是Lisa心目中的影帝。（資料圖片）	Lisa將拍賣的名錶全騷在手上。

捧獎唔會結婚

另外，吳彥祖獲提名今屆金馬獎最佳男主角，Lisa卻因工作關係，未能跟男友吳彥祖一起出席頒獎禮，她說：「會睇電視支持佢，佢好緊張，（點安撫情緒？）無嘢可以做到，喺我心目中佢係影帝，如果佢輸咗我會自製個金馬獎畀佢。（贏咗就宣布結婚？）唔會，或者搞個party慶祝。」

文：名人組