世界盃下年喺南非開波，不少有心人當然打響如意算盤，務求將旅遊兼入場睇波的歡樂一網打盡。美麗華旅遊便推出2010年南非世界盃自由行套票，包括阿聯酋航空來回南非機票、5晚起酒店住宿、機場至酒店及酒店至球場來回接送，以及世界盃的決賽周門票。難得套票提供酒店住宿及門票組合的彈性，你可以揀入住5晚酒店連1張門票，也可最多包32晚酒店住宿、兼由分組賽至決賽共7場賽事門票，絕對滿足到球迷睇波睇全套的願望。套票每位$31,110起。

撰文：張超駿

查詢：3960 0333（美麗華旅遊）