時值大閘蟹當造，不過懷孕六個月的鄭詩韻就笑言只可眼看「口」勿動，就連老公陳鴻業也陪她一起「戒口」。前晚她偕夫婿出席《周大福呈獻─國家羽毛球隊慈善表演2009》，見她滿臉粒粒，她解釋因懷孕致皮膚敏感：「大家一見到我就話一早知我係佗仔，因為我好醜樣，（要唔要戒口？）要呀，尤其依家當造大閘蟹更加唔可以食，呢排啲朋友出親嚟都係蟹宴，真係好大犧牲，（老公有冇陪你一齊唔食？）佢暫時到依家都冇食過，不過佢話下星期有個蟹宴，我聽到都扁嘴！」

記者問她可有興趣拍大肚照？她就說：「有呀，不過我覺得自己依家好核突，但我都想試吓，如果真係影都會叫老公揸機。」她透露BB預產期為明年農曆初五，笑言剛趕得及𢭃利是。