鄭融向來不愛花錢買衫，但近年出席活動時獲贊助的衣服多得要租倉存放，她決定開Blog把這些衣服作慈善義賣，有意義之餘也不用每月花錢租倉放置衣服。

鄭融前晚一身黑色型女打扮出席I.T旗下自家品牌izzue十周年時裝騷，其他嘉賓還有梁漢文（梁炳）、諸葛梓岐和黎堅惠。鄭融表示希望在服裝上能有多些贊助，但又指自己的衫太多，要送給朋友、同事甚至鄰居，其後她解釋說：「我指嘅係去啲大場合嘅贊助，因為着一次就唔着得，好浪費。」

諸葛梓岐自言十分怕凍，所以冬天喜歡留在家，笑言像冬眠一樣。	現場有多名模特兒示範新裝。	放大圖片

冇預老友份

她又透露有意將舊衫拿來作慈善義賣：「準備開個Blog做呢樣嘢，我想同啲品牌合作，賣佢哋贊助畀我嘅衫，然後捐咗啲錢去。我啲衫儲咗幾年，個個月畀千幾蚊租倉擺。」不過她就表示不會預老友薛凱琪（Fiona）一份，皆因對方沒時間。對於Fiona早前被指充富貴兼父親欠債一事，鄭融就說：「希望大家唔好再誇張件事，每個人都要啲時間去處理。（有冇慰問佢？）冇，朋友需要我時自然會搵我。佢依家喺大陸，我費事嘥佢長途電話費。」

另外，梁炳談到他和張衞健（Dicky）、蘇永康以及許志安四人的演唱會時說：「我哋想畀驚喜大家，有諗過一齊夾Band。（會唔會一齊騷胸？）我唯一擔心係Dicky，佢個大肚腩真係勁。」

文：名人組