這陣子，發現身邊好多的朋友，原來都有個大肚腩，好核突！其實平時行街都見到好多大肚腩人……

話說有一日行街，見到有個男仔，心諗佢都幾好樣幾上鏡呀，有潛質做模特兒，哈！點知？向下一望……嘩！大肚腩……真係唔該晒！幾靚仔都無用！之後迎面再見到一個身材健碩的男士，樣唔好講啦！正面睇身材都還好，哈！當佢一打側個身，嘩嘩！有咗3個月身孕咁……點呀！操到鬼咁大隻，手瓜粗過我大髀，但係唔減個大肚腩囉！唉……你係大隻呀，不過個肚腩仲大！你有幾大隻都冇用啦！大隻仔！

講真的，我唔係歧視任何人，不過我只是覺得，肚腩象徵住一個警號：太少運動！我們都好明白，日日夜夜坐喺公司做做做，點會無肚腩？係！你講得無錯，不過，你有冇唸過是因為自己太少運動，先有個大肚腩呢？有入無出，點會無肚腩呀？

其實每日抽一個鐘頭畀自己個身體，我真係覺得唔過分喎！其實臨瞓之前做吓運動，個人會好瞓啲，仲成日喺度呻話失眠瞓得唔好……講真呀！唔好再畀藉口自己，攤喺梳化睇電視先得架！做運動啦！

時裝設計師