王愛倫與楊婉儀（Winnie）昨日代表慧妍雅集出席庭恩兒童中心開幕典禮，王愛倫更捐出一幅名為《曙光》的畫予大會，她說：「幅畫好有意思，係寓意將曙光帶畀有需要嘅讀寫同語言困難症小朋友。」

另一邊廂的Winnie指一對仔女都喜歡畫畫，她說：「兩個都好鍾意畫畫，我覺得畫畫可以訓練佢哋嘅EQ，紓緩情緒同壓力。」至於萬聖節可會帶仔女到主題樂園的鬼屋玩？她即擰頭說：「唔會，我哋一家人會一齊參加Make a wish嘅慈善活動，佢哋之前已經成日參加慧妍嘅慈善活動。」