貝安琪在香港學車，雖然只學了十幾堂，但考牌順利一take過。考牌當日，一身貼身黑衣打扮的貝安琪神情輕鬆，駕車流暢但速度稍快，全程只花了約十數分鐘便完成。她一落車即展露燦爛笑容，對自己合格充滿信心，亦不忘晒勝利V字手勢。

貝安琪謂知道考試合格後，最關心是可否取得國際車牌，她說：「原來要等一年時間先取得國際車牌，（媽咪會唔會送車？）唔知呢！自己就打算買部二手車先，始終係新牌，有乜損傷都冇咁肉痛，媽咪就想我考埋保時捷駕駛課程，因為媽咪有部保時捷，如果係就要去歐洲上堂。」