人氣高企的Jessica C.昨日與Kama（羅凱珊）正面交鋒，Jessica C.憑34C上圍成為全場焦點，Kama眼見自己失色，為挽回聲勢，出動曇「bra」一現，最後成功搶鏡，其後接受記者訪問時，仍不失其寸嘴本色。

Jessica C.昨日與Kama現身中環的維他命水Pop-up Store，二人身穿tube dress到場，但擁有34C上圍的Jessica C.「胸」湧而至，較Kama優勝得多，其後Kama為免失勢，不甘示弱露出喱士bra邊與膠紙，成功出位搶鏡。

Kama未知是否有感風頭被搶，故刻意露出Bra邊還擊。	Jessica C.曾參與內衣騷示範。	Jessica C.在場大騷其34C上圍，搶去Kama不少風頭。

作狀摸Kama

Jessica C.事後大讚首次見面的Kama樣子漂亮，問她覺得Kama身材如何？她大顯幽默本色：「我好鍾意佢對boots！（唔係boots，係身材呀？）good！」問Jessica C.會否覺得其胸部較Kama出眾？她鬼馬地離遠作狀摸Kama說：「我唔知，我要嘗試摸下佢呀！」

至於另邊廂的Kama，問她心情好番未？她表示心情很好，也有留意有關自己發脾氣的報道，還死撐當時有誤會：「係同事叫我去另一邊同fans影相，我當時個樣唔好睇先被人誤會！（係咪發脾氣？）我當時冇發脾氣。（咁你係咪EQ低？）我仍需努力訓練。（會唔會請教周秀娜，佢向來被指EQ高？）可考慮！」

唔認脾氣差

當被問到Jessica C.身材好過自己，Kama自信回應：「好難比較，各有各好！（你初出道時好純品，係咪人紅脾氣差？）我唔覺自己紅，我只覺得頭髮好黃，有啲旱！」其後記者直指她走光，她表現十分尷尬，表示服裝是大會提供，問到是否為搶風頭，她再展寸嘴本領：「要咁講都冇得驚！」

文︰名人組