追求自然無瑕的妝容可說是潮流的大趨勢，今個秋冬亦流行感覺如無物的Nude妝，打造出柔滑美肌，再配合搶眼的紅唇，不用太多花巧或色彩，同樣可以散發攝人魅力，令人怦然心動。

裸妝在今季繼續大行其道，重點在於展現猶如與生俱來的美肌魔力。別以為秋冬一定要配上深色調加Smoky eye才叫潮，臉上恍如無物的清麗裸妝同樣熱爆。妝容重點在於締造完美無瑕的肌膚，以及一雙性感誘人、充滿女性魅力的櫻唇。

透薄粉底

專業化妝師Will Wong就預告秋冬彩妝潮流，以Lola最新推出的妝物示範怎樣化出今季大熱妝容，並分享一些化妝秘技和tips：「今個秋冬嘅trend有兩個，一個係好Nude嘅妝，好似咩都冇咁，所以底妝好重要，粉底要透薄得嚟又要夠遮瑕度，仲要夠貼面兼夠保濕，潤得嚟但又唔會立。而眼妝只係用少少色就夠，眼窩位可以用beige色調嘅眼影，用cream狀會更貼同更顯色；眼線唔好拉太長，唔好誇張，內眼線畫番深啲令對眼sharp啲，搽mascara就要夠纖長分明。」

Will表示整個妝容的焦點在於嘴巴，可於嘴唇塗上紅色、紅啡或紅紫等唇膏，而用深淺不同的色系會令雙唇更富層次感。Will說：「可以先用紅色打底，再塗深紅色喺嘴唇中間位，雙唇會變得更豐盈，最後搽埋sparkling gloss就更添透明感。」

Step1先用cream狀粉底塑造無瑕底妝，然後在眼窩上以cream狀珍珠粉紅色眼影打底，再塗上啡色眼影。	Lola eyes Chantilly $230	Step2用眼線筆勾畫上下眼線，下眼線的三角位微微畫出些少，令雙眼更sharp更有神。
Step3塗上眼睫毛液，令睫毛纖長分明。	Starstruck Lash Glamour Mascara $210	Step4先塗上紅色唇膏，再於雙唇中間位置塗上深紅色唇膏，最後塗上唇彩，令雙唇更有立體感。
Step5在臉頰兩旁打圈掃上粉紅色胭脂。	Double play Calypso $260

秋冬好幫手

踏入秋冬，乾燥的天氣會為肌膚帶來不少問題，Kanebo的Impress Advance CT Essence高效細胞修護精華就能全面解決肌膚問題，包括高度集中複合性修護、抗衰老、以及防止毛孔粗大等，新加入的成分Carnitine（卡尼丁），能促進表皮新陳代謝，穩定角質層的正常機能，令肌膚猶如再生一樣，潤澤剔透而有彈性。

保濕亦是乾燥天氣下護膚的重要一環，Juicy Beauty的Hydrating Mist蘊含有機白葡萄汁及紅葡萄汁，還有天然蘆薈葉汁、玫瑰籽油、葡萄籽油及維他命精華等，全面平衡肌膚水分，令肌膚時刻充滿活力光彩。

而雙手的護理也是不容忽視，SpaRitual的Handprint Hydrating Hand Salve獨創「HydroShield Technology四重連環鎖水技術」，且含有多種天然有機植物，如蘆薈、蜜樹茶、有機乳木果油、漆樹果油、加納籽等精華，無間斷地補充水分，讓雙手回復嬌嫩柔滑。

Juicy Beauty Hydrating Mist $240	Kanebo Impress Advance CT Essence $1,140	SpaRitual Handprint Hydrating Hand Salve $220

一物多用

Will曾為張栢芝及楊紫瓊等靚女artist化妝，他最愛用cream狀妝物，而Lola的粉紅色cream狀胭脂以及cream狀粉底就是他的心水推介：「隻雙色胭脂嘅粉紅色好自然，cream狀質感好易推開而且好貼，搽完即時令臉頰有血色，嗰種白裏透紅真係好似由肌膚底層滲出嚟咁。而另一面個淡粉紅色就有即時急救作用，如果搽胭脂時重手咗可以用嚟balance番，又可以用嚟做shading或者highlight效果。而新出嘅cream狀粉底好好用，係締造無瑕底妝嘅好幫手，入面有高效保濕成分，潤得嚟又唔立，好貼面，夠透薄但遮瑕度又高。」

文：張嘉敏

攝：馬永堅

化妝：Will Wong