顧紀筠前晚偕夫婿陳仕偉欣賞完音樂會再出席晚宴，大讚演出的楊沛宜及十二歲的天才鋼琴家牛牛十分可愛：「楊沛宜表演嗰首《歌唱祖國》係我電話鈴聲，雖然佢有少少緊張同走音，但氣氛都好好，同埋佢訓練有素、個樣又cute，大家都唔介意。」同場的郭志怡與霍震霆亦大讚楊小妹妹。

原來顧老闆丈夫也是熱愛音樂之人：「佢唱歌好叻，當年佢係樂隊Signpost嘅主音，同溫拿樂隊一齊參加嘉士伯歌唱比賽，溫拿第一，佢哋得第二，好彩咋，佢唔係唱歌搵食，否則餓死咗！」她更大讚老公有音樂天分，聽歌一次便會唱，尤以唱《李香蘭》最好：「初時聽以為係播緊張學友嘅歌。」