城中王老五趙世曾近期身邊女伴轉不停，卻不見女友Wendy，難怪兩人多次被傳分手。趙世曾前晚出席音樂會時偕同外籍女伴到場，她更翹着趙世曾的手臂拍照，狀甚親熱。趙世曾介紹女伴是巴西籍模特兒Louisa，被問到女友Wendy身在何方？他說：「佢依家喺北京，佢鍾意北京嘅生活，佢嘅屋企人都喺北京，（你同Wendy分手？）唔關分手事，大家係少咗來往，今朝都有通電話。（你同Wendy嘅感情係咪已成歷史？）唔係，大家都係朋友。（新朋友係咪今晚成晚陪你？）咩呀？大家一齊玩啫。（佢有咩優點？）人品好，（幾多歲？）廿幾歲啩。」