陳法拉早前在《溏心風暴之家好月圓》扮演啞女，演技備受讚賞。原來法拉得悉要參演該角色，即時參考日劇《Orange Days》，因該劇女主角柴咲幸也是飾演啞女。

法拉說：「我都係睇呢套劇跟女主角偷師，模仿佢嘅演繹方法。其實套劇個故事都好有意思，佢講柴咲幸本身係好有音樂天分，不過因為聽覺有問題影響說話能力，要用手語同人溝通，直至佢識到男主角之後開始有改變，佢哋之間嘅感情都好吸引我去睇。就算我睇番《家好月圓》，都覺得自己表現唔及女主角做得咁扣人心弦，實在係一套好劇！」