Ana R.與周立璟（Brian）分手多時，各自找到另一半，前晚Ana R.與Brian現任女友Marietta D.同場行騷，即時「妒」火中燒。而謝婷婷則透露已覓得合適的新經理人，但有關阿嫂張栢芝懷孕的傳聞，則隻字不提。

前晚Ana與婷婷、貝安琪、汪圓圓等為又一城時裝周多個品牌行騷，包括iBLUES、KOOKAI、MAX&CO.以及PENNYBLACK，同台還有知名度不高的Brian女友Marietta D.。

Marietta D.正與周立璟打得火熱。	放大圖片	Ana R.寧願搭住貝安琪，也不願走近Marietta D.身邊。

冇興趣再講呢個人

Ana受訪時坦言不認識Marietta D.，但當獲悉對方是Brian現任女友時，Ana聽罷反應十分大，黑起面說：「So……I don't know！我冇睇報紙，呢啲係佢（指Brain）嘅事，唔關我事。（你哋喺後台有冇交談？）後台咁多model，我唔會識得晒同知道佢哋個名，點會同每個人傾偈？我哋只係say hi同bye。（乜你冇興趣咩？）It's not my business（唔關我事）。」問Ana與前男友Brian是否再見不是朋友？她隨即怒火中燒說不想講這個人：「你哋唔好再講佢，我對呢個人唔再關心，佢有佢私生活，我有我嘅私生活。（你依家拍緊拖？）係……我有男朋友。」

謝婷婷大方談公事，問及阿嫂栢芝就一問三不知。	汪圓圓一身型格打扮。	一眾女模前晚在又一城展示最新秋冬時裝。

婷婷聞栢芝三不知

婷婷完騷後被問到有傳張栢芝再度懷孕一事，她有備而來的說唔知，雙方冇見幾個星期，連栢芝是否在香港也不清楚。栢芝可是在加拿大養胎？婷婷仍是那句：「唔知！」並搖頭示意彼此沒有電話聯絡。

不過，不提私事的婷婷滔滔不絕說已選定經理人公司，爹哋會陪她到律師行簽約，何不找爹哋做經理人？婷婷說：「唔得，佢太是但。（佢唔畀你接性感工作？）我諗佢會鬧啲客。（出道以來有冇被騙？）好彩從未試過，可能遲啲試呢，有啲數仲未收到，金額唔大check唔到，公司又幾個月先埋一次數。」

文：名人組