香港人慣吃快餐，連狗狗也被迫捱罐頭！家有三犬的Jennifer決心於網上推出狗狗私房菜外賣服務，以色、香、味俱全的營養菜式，讓狗狗食得開胃啲！

廣告人搞私房狗菜

從事廣告工作的Jennifer認為，狗狗一樣需要味覺享受，便嘗試推出狗狗私房菜。「本身建立咗一個網站，以屋企3隻愛犬命名，主要替主人解決狗狗衣、食、住、行等各方面嘅需要。由於屋企有人係烹飪導師，令我對食物營養同烹飪都有啲研究，所以決定搞私房菜。」

以慢火煮腍番茄粒，約兩分鐘後加少許水。	番茄收水後，加入已切條的蘿勒葉，再煮約兩分鐘。	加入已煮熟的意粉粒，煮至意粉沒有漿糊感。

餐單設計因狗而異

私房菜講求慢工出細貨，因此客人需於24小時前落「柯打」。每天會供應3款美食，食材選擇會參照食物金字塔，其中一款是齋菜，好讓初嘗私房菜的狗狗能慢慢適應熟食。每次落單，Jennifer會先問客人有關狗隻的資料，以便設計合適的餐單，例如大狗享用的飯菜不可切得太碎，否則容易令狗狗鯁到。

將龍蝦煮熟後剝殼切粒，切記不要切太碎，並放入先前的材料中煮勻。	Jennifer表示，狗狗菜式中不可加調味料，烚材料時可以菜湯或肉湯代替清水。	番茄+龍蝦，正呀！

此外，Jennifer提醒主人不要在狗狗的美食中加入鹽、油等調味料，否則會令牠們皮膚敏感。

撰文：楊芷穎

攝影：林資凱　狗狗模特兒：股神（古代牧羊犬）

查詢網址：www.wahfugu.com