Chanel昨日舉行秋冬時裝騷，05年度港姐季軍林莉（Carrie）轉型做模特兒，處女作即為這個殿堂級時裝品牌行騷，令她對天橋夢信心大增，而且在十二個模特兒中，只有她及陳碧舸是中國人。
Carrie初次行大型騷，有板有眼，完全不怯場，她說：「我第一次就行咁大牌子嘅騷，好開心，十二個模特兒之中，只有兩個中國人，我好榮幸，算係成功轉型第一步。我本身都好鍾意Chanel呢個牌子，知道要行呢個騷，為咗有最佳狀態，行騷前一星期已減少食嘢。（做模特兒同港姐有乜唔同？）其實好唔同，我日日都在學習之中，好欣賞前輩李嘉慧，佢係我學習嘅對象，希望將來有機會到巴黎行騷。」而陳碧舸示範的其中一款超Deep V新裝，性感誘人。
