由於豬流感（H1N1甲型流感）肆虐，向來愛子心切的袁詠儀自然格外緊張，她前晚出席活動時透露，由於兒子魔童的同學在學校打噴嚏沒掩口，嚇得她即時向校方投訴！
袁詠儀（靚靚）及蘇永康等前晚出席YSL時裝騷，身為人母的靚靚，談及豬流感（H1N1甲型流感）肆虐問題時，自爆魔童的學校有同學仔因打噴嚏沒掩口，嚇得靚靚即時向校方投訴：「前幾日有個小朋友打噴嚏打到通地都係，我即時推開個仔同去投訴，小朋友有咁嘅徵狀，唔應該畀佢返學，家長又無理喎！如果我個仔係咁，我都唔會畀佢返學。」愈說愈激動的靚靚，認為老師在事件中亦應負上大部分責任：「我唔係投訴家長，只係要老師格外留意呢啲小朋友。」
推工作為照顧魔童
提到早前陳慧琳（Kelly）因不捨得離開初生兒子到外地工作而當眾落淚，靚靚笑謂雖沒類似經驗，但直言自己亦是緊張媽咪一名：「今年7月至9月份有人搵我做嘢都要推，因為驚個仔返幼稚園唔識面對新小朋友同老師，又驚佢以為我唔要佢；依家就算去買嘢，都會快啲返屋企，所以好明白Kelly心情，但係慢慢會習慣㗎嘞。」
蘇永康戀事唔呃人
同場的蘇永康則對好友陳奕迅（Eason）被傳與太太分居大感不值，但未有就事件慰問Eason：「我哋啲EQ高到唔需要理，啲觀眾好醒，知係咩事，係有人想娛樂圈熱鬧啲啫。」另外，談到有藝人隱瞞已婚惹來抨擊，蘇永康亦代為求情謂：「藝人私隱要尊重，自己向來開揚唔呃人，無論拍拖、結婚、離婚都唔呃人。」
採：名人組 文：專案組