最近有傳謝婷婷由胞兄謝霆鋒鋪路，簽約王晶旗下，昨日婷婷出席活動時承認正在接洽中，不過，甚有性格的她卻拒絕成為性感尤物晶女郎，但就不介意與男友安志杰以情侶檔拍戲搵銀。

昨日婷婷出席由鄭明明女兒陳維蕊代理的Barbie首個美容專櫃開幕，對於有報道指謝霆鋒與王晶在酒店密會，似為婷婷鋪路，婷婷坦言：「咁多間都係傾緊，我知嘅時候同大家一樣。（未決定還是未講得？）兩樣都係。（哥哥同王晶密會？）佢哋好熟，有嘢傾係正常。（傾你同王晶嘅合作機會？）咁多間都會有合作機會，暫時自由身，工作自己接。」

情慾戲有尺度

婷婷表示有看過王晶的電影，問到會否接受對方的戲路，她認為對方若選擇了她，應該深知她的性格，至於會否怕被標籤為晶女郎？她反問記者：「乜嘢係晶女郎，（性感尤物！）吓，性感唔需要搵我，好多女仔身材好過我，亦符合到呢個要求。（你想走乜路線？）我唔想標籤自己，應該要開放啲態度，乜都要試吓。」問她會否想與男友安志杰（Andy）以情侶檔拍戲，她笑言若然成事，應該很好玩。那麼二人的情慾戲會否較大膽？她說：「職業同私生活唔同，睇劇本，尊重自己個尺度。」

此外，之前有報道指其母狄波拉不喜歡Andy，婷婷主動代母平反，她認真地說：「爹哋畀人感覺開通啲，雜誌如果有咩要講就會話媽咪，對媽咪好唔公平。之前又話佢唔鍾意阿嫂（張栢芝），其實佢成日煲湯探阿嫂，依家又話唔鍾意Andy，佢好錫Andy，成日問他拍戲有冇整親。」問到栢芝是否懷孕，在加拿大養胎？她聞言即搞笑地說：「吓！又有咗？栢芝啲嘢我真係唔知。」

同場還有「八模兵團」之一的Anjaylia（陳嘉寶）亦有出席活動，就讀樹仁的Anjaylia已經開學，但她否認會退出模界。

大S片約搶手

此外，王晶執導的新作《大內密探靈靈狗》票房報捷，內地更狂收1億，連帶女主角大S（徐熙媛）也成為搶手貨，最近不少電影主動找上門，對此王晶笑說：「係呀！我好犀利，邊個紅我就用邊個。」其後才解釋因為大S甚有十年前美琪賴恩甜到漏的影子。

同場的黃子佼則指大S在戲中大解放，可以盡情做「花癡」。

文：名人組