每個女性都想擁有一對迷人深邃的大眼睛，深受喜愛的Smoky Eye在今個秋冬繼續大行其道，絕對是突出眼部輪廓的必殺技，再加上今季流行的Glossy效果，輕易便可塑造出一雙攝人魅惑電眼。

幾乎每季都會流行的Smoky Eye在今個秋冬依然盛行，當然每季都不會是千篇一律沒有變化。今季主打的Smoky Eye眼影深色得來卻帶點柔和，且有Glossy效果，CHANEL秋冬時裝騷上的模特兒亦以此眼妝演繹最新時裝系列。

唇妝棄Earth Tone

想幻化成天橋上的迷人女郎其實一點也不難，專業化妝師Janice Lam就以CHANEL全新妝物，示範至潮至令的Smoky Eye妝容。Janice大談今季彩妝潮流和化這個妝容的貼士說：「焦點依然係雙眼，眼影會深色啲但感覺就比較Soft啲，顏色方面會流行灰黑同灰藍，同埋帶少少Glossy效果，令雙眼睇落去更有立體感。而眼線幼幼哋就可以，mascara當然係要好full好濃密，先營造出動人大眼睛。唇妝方面唔會再興Earth Tone，會興番啲實啲同深啲嘅顏色。胭脂就可以用啡色做shading之後再on top加粉紅色，就會加強到臉部輪廓同時亦有紅潤面色。」

STEP 1先在整個眼簾塗上淺綠色眼影打底，再在眼窩塗上灰綠色眼影。	Les 4 Ombres四色眼影 #16 HK$435	STEP 2在上下眼頭位置塗上粉紅色眼影作highlight，用深藍綠色眼影勾畫眼線並塗於上下眼尾位置。
STEP 3在上眼簾中間至眼尾位置塗上黑色Eye Gloss，為雙眼締造Glossy效果。	STEP 4在臉頰兩旁打斜掃上粉紅色胭脂。	Joues Contraste腮紅 #58 HK$355
STEP 5在櫻唇塗上閃漾亮澤唇膏，之後再塗上晶亮唇蜜。	Rouge Allure #78 Instinctive HK$245

罕有四色眼影

今個秋冬流行的Smoky Eye最大特色是眼簾位置會帶有Glossy效果，經常為胡杏兒、Jocelyn等靚女化妝的Janice就首推這款四色Eye Gloss：「好少品牌有推出呢種妝物，四種顏色都有唔同效果，可以單獨或混合嚟用，今次我用咗黑色示範，但唔會黑沉沉，相反係會令眼妝變得Glossy，更有光澤。我覺得Jocelyn最適合化呢個妝，佢輪廓分明，尤其係眼窩好深，可以令個妝更加突出。」

Jocelyn眼窩夠深，最適合化Smoky Eye。

Eye Gloss HK$415

妝後重點護理

雙眼往往是整個妝容的焦點，所以眼部的呵護十分重要，LUNASOL的Eye Essence Kit集日間及夜間的Eye Essence和每周使用一次的Eye Essence Mask於一身，蘊含白茶精華、海洋性肺膠原和植物性角鯊稀等成分，能積極減淡黑眼圈，保濕透潤。

潔面可說是護膚的最基本，皮膚潔淨才能散發自然美態，Impress IC Shadow Clear Wash具有磨沙功效，內含酵素及杏粒子潔淨成分，有助去除含多餘黑色素的老廢角質，令肌膚變得光滑如絲。

美白肌膚絕對是女生們最注重的護膚課題，OLAY的White Radiance Intensive Brightening Essence蘊含+40%更強滲透力和雙色柔珠，增加表面透白，滲入深層擊退及同時能防止色斑出現，內外修護膚色持久均勻充滿光澤。

文：張嘉敏

攝：馬永堅

化妝：Janice Lam

髮型：Eas＠Chin G.