Cara G.、Ana R.及Lisa S.幾位專業模特兒，在出自化妝大師Alvin Goh手筆的魔術妝容下，加上天馬行空意念塑造了全新造型，其中Cara G.更真空上陣，突破性感極限﹗

法國護膚品牌Guerlain近日為推出富俄國色彩的09秋季彩妝系列，與新加坡化妝造型大師Alvin Goh合作，於今天舉辦「UNTAMED FANTASY-GUERLAIN X ALVIN GOH彩妝攝影展覽」。為了今次的影展，Alvin Goh絞盡腦汁為三人設計彩妝及全新造型，Alvin坦言三名靚女各有個性，因此最終嘗試將三人形象反轉，以突破造型示人。

Ana R.大騷美腿，性感非常。	Cara G.由男工作人員為她整理衣服，令她頗為尷尬。	Lisa S.谷胸示人，充滿俄國味道。

靠食素保住身形

當中Cara G.的造型名為Androgyny花樣男兒，Alvin說：「我識咗Cara一段時間，佢個人好sweet，所以希望將佢變成相反，由一個sweet嘅女仔變成感覺好cool。」拍攝期間，Cara G.起初不知自己要真空上陣，加上現場有不少男性工作人員，因此Cara G.亦表現尷尬，但一埋位Cara即交足表情，事後各人都讚她表現專業。Cara G.說：「我之前都唔知要咁性感，不過工作係冇所謂！今次造型我都好鍾意，但我平時真係唔會咁樣着，除咗出騷！」問Cara如何keep住好身材？她說：「我平日食素，亦有做運動，雖然係瘦但身上仍然有肌肉。」

Lisa扮俄國娃娃

而Alvin亦以嬌蘭代言人來自俄國的超模Natalia為藍本，將Lisa S.與Ana R.打造成俄國娃娃。當中Lisa S.以show girl形象示人，原來她亦十分喜歡Natalia，她說：「佢真係好靚，我一直好鍾意俄國同埋當地嘅女仔，亦希望去旅行！」

文：名人組