筆者今年看了多套暑期電影，無論老變定殺人犯都是鬧爆收場，唯獨《沖天救兵》感人劇情令人留下深刻印象，看完即刻想買番個官方授權的搪膠公仔，回家慢慢細味角色的純真感覺。

搪膠第一炮

提到搪膠公仔，玩家多數想起Michael Lau或Eric So的作品，但它們大多被視為潮物。本地Figure龍頭廠商Hot Toys出開12吋Figure，最近再開闢戰線，推出Movie Masterpieces Vinyl Series搪膠系列，而《沖天救兵》便是頭炮，保證大人細路都啱玩。

公仔有兩款，分別是7吋高的老人卡爾以及5.5吋高的肥仔童軍羅素，兩者無論頭雕、身形及服飾均跟足原著，特別是羅素身上的襟章更是款款不同，不得不佩服廠商的認真程度。另外，搪膠最難上色，但HT沒令人失望，上色均勻兼冇髹出界，以老人手中的網球拐杖為例，殘舊感及質感俱備，以搪膠來說水準極高，亦證明頂級搪膠公仔再非Medicom Toy一家專利。

百寶背囊上色凌而不亂，留意昆蟲網是以真絲網製作，相當認真。	連卡爾的助聽器也忠實呈現。	除搪膠系列，HT還為角色推出Cosbaby系列，頭大身細更Cutie。

撰文︰陳志滔

攝影︰郭凱敏

查詢電話︰2388 4677