楊崢昨日出席節目《海底漫遊》首播活動，因天氣問題，活動被迫移到室內舉行，未能順利出海的楊崢表示可惜，不過仍無損其心情，她說：「可以再次主持呢個節目好開心，自己好似個小學生咁，咩都問點解，片段真係好值得保留，畀學生同將來自己嘅小朋友睇，希望將來可以繼續參與。」

擁有高級潛水員執照的楊崢熱愛海洋，不過暫未有計劃考取教練牌照，她說：「依家希望同多啲慈善團體合作，令更多人關注海洋生態，呼籲大眾保育環境。」在拍攝過程中，楊崢眼見生態被污染大表痛心：「嗰日打完風，我哋去放海龜，見到好多垃圾，佢哋來來回回咁好似唔識返落海，令人好擔心。」

此外，身為名模的楊崢，被問到o靚模風氣變異，有雜誌更指出o靚模進行援交，楊崢拒討論這個問題，表示今日只想集中講節目。