張文慈與Bibe出席「黃埔新天地健力士單車極high激jump」活動，期間兩人先後被大會安排坐在斜板台上及躺在地上被健力士單車手凌空跳越她們，其後二人都表示既緊張又害怕，但亦感到刺激。

低胸上陣的張文慈被問到今屆亞姐面試佳麗質素下降？她說：「我今個月十九日做評判，到時睇吓先知！（中國佳麗會好啲？）中國同香港都有靚女，當然可以拉高質素。（參選者有啲連唇毛都唔剃喎？）咁犀利，我建議佢哋剃晒手毛同腳毛先去見評判，唇毛都唔剃唔係咁好。（有個仲有大牙罅？）少數人啫！當然有好質素，亦有唔好質素啦！（有乜儀容貼士畀佢哋？）樣清同着靚啲，笑容甜美當然加分！」

張文慈與Bibe分別坐在斜板台上及瞓地，由單車手凌空跳越，同聲表示驚驚。

放大圖片

Bibe拒比堅尼

此外，又低胸又露腰的Bibe坦言首次在公眾場所穿得那麼性感，亦是自己的極限，她說：「我都有啲驚，本來有套仲性感，但我黏咗膠紙同用埋扣針。（睇錢先性感？）錢係次要，我今次係收友誼價，因為我同大會友好，冇必要都唔想咁性感！我嘅底線係唔着比堅尼，係我同屋企人嘅承諾。」